兩個小寶貝既媽咪: 3月 2008

剪髮篇之二(25/3)

上次同穎怡剪完頭髮,今次輪到皓賢喇.......見佢啲頭髮遮耳仔,立定決心同佢剪左佢,由於之前去髮型屋剪喊到九彩嘅關係,所以呢次由我操刀!!

未剪頭髮前嘅皓賢 (睇吓佢幾得戚.....)

好彩佢好合作咁比我剪,都冇喊過,只係嗌幾聲...話我扯痛佢啲頭髮啫!!剪完就即刻沖涼洗頭,整個過程完成得非常理想!!

剪完頭髮後嘅皓賢 (依然一副得戚校樣......)

不過,有人並唔欣賞皓賢個髮型,話我剪得醜樣......激死人喇!!!!

新朋友仔(22/3)修飾版~~~

朝早＋一點幾一家四口去影樓影相(遲啲再清楚交待),影完已一點多,大姨媽打嚟叫我哋去飲茶,去到酒樓,見到一個識佢係邊個但未見過嘅小朋友(大姨丈姪女嘅仔仔)......原來大姨媽&三姨媽約左小朋友媽咪去行街街,所以先可以見到佢咋!雖然有啲怕醜,但好乖&好大方咁分亨玩具......

呢個就係"飛飛"喇,靚仔哩~~~

卓然表姐同飛飛識左好耐,好friens!!

今次呃左三姨媽上鏡喇(比人恐嚇完,唔比人睇個樣)好close,好溫馨呀~~~~

希望我哋可以快啲再見面啦......

收到喇~~~(20/3)

喺網上訂左幾件衫仔&裙仔比穎怡同皓賢,人哋14號已寄出,一直等.等.等......17,18,19號都收唔到信去郵局拎,令我心急如焚(因為打算22號去影相時著)~~到假期前最後一日(20/3),終於收到喇......好開心同佢哋即刻去郵局攞,返到屋企即刻同穎怡試吓身先~~~

仲要擺埋post比我影添~~~

至於皓賢呢.....一套兩件衫套裝&一件短tee

我好鍾意啲衫仔裙仔,希望你哋都鍾意就好喇!!

巧遇明星篇(18/3)

老公今朝冇嘢做,11點幾返左嚟屋企,兩隻衰豬見到爸爸開心到飛起,係咁痴住爸爸,氹到爸爸暈哂大浪,當我透明咁,搞到有啲吃醋......

一隻樹熊皓賢,一隻樹熊穎怡.....攬到幾實

之後出去食嘢醫肚,去左穎怡返學前成日食飯嘅茶餐廳(都幾遠下),食飽飽後,餐廳嘅叔叔&姐姐話梁榮忠喺我隔籬食飯(隔左條柱),聽完即刻揾相機(好彩有帶^_^),膽粗粗借穎怡過橋問佢可唔可以影張相,佢好好人答應左,影完仲問穎怡幾多歲添......

影到我好肥呀(三下巴現形記)~~~~&皓賢冇份影.....

飯又食飽,相又影完,跟住同大腳板穎怡買返對鞋仔先......因為佢啲鞋已經唔啱著喇,得返一對波鞋又難襯裙仔,於是買返隻斯文鞋~~入到舖頭,揀左幾款布鞋比佢自己揀,但冇佢size.....結果揀左一對粉紅皮鞋.....本身想揀布鞋仔襟著啲,驚皮鞋易整花(其實一早睇中),點知......都係整定係呢隻!!!

穎怡自己揀呢新鞋呀......

今次皓賢乜都冇份添......

驚嚇的一天(12/3)

話說2月24日,我將皓賢嘅BB床換左三姨媽比嘅BB床,點知......唔夠一個月皓賢已整爛左,今次嚴重到係床板都就跌,係個床架甩左出嚟,隻衰豬係咁"啊"我,見到之後嚇左一大跳,我諗佢都嚇親呀!
終於,喺我抓爆頭之際至諗到個方法咋!!!!

幾經辛苦至揾到條尼龍繩綁實張床仔......皓賢隻脚仔做左攝石腳添......

箭咀嘅位置就係喇!! 咦~今次隻脚仲攝多左喎......

另外,皓賢流鼻血......朝早穎怡叫醒我睇下細佬,初時以為佢食緊蕃茄醫,但諗諗下無理由,再望真啲,原來佢拎住個染血嘅奶咀,而口邊就係奶咀印嘅血乾,驚嚇指數係甚高......見到佢咁樣即彈起身,衫,褲,毛巾,被,全部都有血漬,在我止唔到血同時,當然打電話求救啦~~大姨媽..........

教完個方法之後,真係冇事喇~~~THANKS大姨媽!!!!!!!