巧遇明星篇(18/3)
老公今朝冇嘢做,11點幾返左嚟屋企,兩隻衰豬見到爸爸開心到飛起,係咁痴住爸爸,氹到爸爸暈哂大浪,當我透明咁,搞到有啲吃醋......
一隻樹熊皓賢,一隻樹熊穎怡.....攬到幾實
之後出去食嘢醫肚,去左穎怡返學前成日食飯嘅茶餐廳(都幾遠下),食飽飽後,餐廳嘅叔叔&姐姐話梁榮忠喺我隔籬食飯(隔左條柱),聽完即刻揾相機(好彩有帶^_^),膽粗粗借穎怡過橋問佢可唔可以影張相,佢好好人答應左,影完仲問穎怡幾多歲添......
影到我好肥呀(三下巴現形記)~~~~&皓賢冇份影.....
飯又食飽,相又影完,跟住同大腳板穎怡買返對鞋仔先......因為佢啲鞋已經唔啱著喇,得返一對波鞋又難襯裙仔,於是買返隻斯文鞋~~入到舖頭,揀左幾款布鞋比佢自己揀,但冇佢size.....結果揀左一對粉紅皮鞋.....本身想揀布鞋仔襟著啲,驚皮鞋易整花(其實一早睇中),點知......都係整定係呢隻!!!
穎怡自己揀呢新鞋呀......
今次皓賢乜都冇份添......
2 則留言:
嘩阿苗都肥左好多,見到你一家大細咁開心,真係幸福!
hi! 張老師呀!穎怡對腳真係好大喎!
你真係大膽呀!搵明星影相!佢靚仔嗎?
發佈留言
訂閱 發佈留言 [Atom]
<< 首頁