久違了的重逢(30/7)

上年7月&9月離開咗幼稚園嘅老師,終於喺穎怡暑假期間,約到出嚟食Lunch喇!!!雖然穎怡一開始見返張老師&林老師時,有啲怕醜.....但係,去到另一個地方,就變得非常熟絡喇!!!!就係"危險樂園"是也........
今次玩咗好多嘢,但佢哋難捉指數亦相繼颷升,搞到兩位老們捉雞仔咁捉,又要幫我睇住佢哋,真係辛苦哂!!!

呢兩張相係林老師喺茶樓影嘅......



去到"危險樂園"玩小型旋轉木馬先(張老師影相,林老師take care緊佢哋)......




玩咗好耐,擲彩虹(又比細佬撞彩擲中個藍色大獎),夾波波,夾糖,玩完一大輪,叫走又唔走~~~

到最後又要搞吓啲機動遊戲......





呢隻史廸仔就係嗰份大獎喇~~~~


又再失敗.......唔記得同張老師&林老師同佢哋影相添!!!

無聊日記之食雪糕篇(28/7)

爸爸同姑姐食完飯後,買咗雪糕&雪條返屋企,點知穎怡咁好記性,記得有雪糕食(爸爸應該請杯佢食),就開咗杯叫佢同皓賢分,佢又肯分甘同味,仲整古作怪添~~~~

海馬公園一日遊之玩樂篇(27/7)

又落到山,我哋就去咗"功夫熊貓木人巷"睇吓玩吓喇......






影咗幾次都唔靚,唯有......


又要喺嗰度買啦~~~


最後一站.......兒童王國~~~~一去到即排隊玩旋轉木馬,之後各自再玩啲攤位遊戲,而佢哋兩個尤如放監咁,周圍走,周圍搞,玩到唔願走添!!




走嘅時候,皓賢自己由朝行到晚,爸爸終於至諗到用呢個方法比佢抖抖咋~~~


上到車,唔駛一陣,皓賢已經瞓咗覺豬喇,但要同姑媽&姑姐們食飯,只好叫醒佢沖完涼去食飯啦......
過,總括嚟講,穎怡同皓賢係玩得相當開心!!!!!

海馬公園一日遊之參觀篇(27/7)

穎怡&皓賢都係第一次搭吊車,以為佢哋會驚,但出乎意料一啲都唔驚,仲好鐘意添,所以全部人係得我一個驚,仲比人笑添~~~~~~

吊車上嘅穎怡&皓賢



過站後,首先去睇海獅,皓賢唔知係唔係未見過,好驚佢,仲喺咁掙扎落地走埋我身邊,真係比佢啲反應笑死哂~~

太平洋海岸睇海獅嘅佢哋......






我鐘意呢張相,感覺好溫馨.....爸爸抱住穎怡追海獅時扮飛嘅一刻

出咗去,又見有海獅公仔,又要影相.....




再排隊睇水母,由於我要抱住個"細膽"皓賢(見到水母又話驚),全程只係入到去,冇得睇,剩揾返出口,所以冇得影相......喺出口等齊人欣賞完水母,再去海洋館進發~~~~今次唔驚喇,反而唔肯繼續行(呢part爸爸負責,我負責抬BB車),所以我肯定海獅&水母係佢未見過而驚到咁!!!

海洋館嘅時候......










行完海洋館,再去睇海豚表演喇~~~掛住拍片,又唔記得影相添........睇完表演,又要搭返部吊車落山,去揾熊貓喇(功夫熊貓)!!!!!!

海馬公園一日遊之進場篇(27/7)

爸爸之前提議,係穎怡暑假去海馬公園玩,咁我哋約咗爺爺,三姑媽,大姑姐一家三口(細姑姐唔去),一行六大三小浩浩蕩蕩一日遊......
雖然天氣非常酷熱,但無損穎&皓賢嘅心情,可以用期待萬分&＋分興奮去形容呀!!

等緊姑姐時,穎怡整古作怪先




一入場見到人扮嘅海龜即刻上前影相先~~~
三姑媽一齊影(太熱喇,我要哂吓啲肥肉+麒麟臂先)



穎怡自己要再排過,單獨同海龜影相呀~~~




影相過後,我哋要去搭"恐怖"嘅吊車去睇海洋生物喇!!!