穎怡又剪頭髮喇(18/5)

穎怡啲前蔭仔開始拮眼仔,當我仲記得嘅時候,同佢解決咗先......

首先用報紙包住佢,用嚟兜住啲頭髮碎先(細個剪頭髮,婆婆教嘅)......

剪頭髮前.....

仲笑得出喎?!


剪剪吓,突然dup低頭,搞到剪多咗,要再剪短啲,最後......

剪頭髮後......

好似光頭妹咁......




令我勁後悔同佢剪頭髮呀,搞到佢唔可愛喇!!!!

三小傻(17/5)

雖然呢排好唔開心,每次睇電視更加令我淚如泉湧,亦令我更加努力照顧我嘅寶貝......

星期六陪公公飲茶,雖然今次人丁單薄(3大3小),但係面對三小B,足以比佢哋搞到"陀陀擰"!!飲茶期間,公公喺酒樓買咗隻雞,到飲完茶都未切,於是就等~~~~~

三姨媽去咗商場搞車票,公公企咗入酒樓等盒切雞,而我就喺酒樓門口一睇三.......好唔容易氹到佢哋一齊企,一齊坐定定!!!

一個遮眼,一個摸頭,做乜啫!!!

穎怡學卓然啲"鋪士",皓賢一於少理.....

穎怡咁無儀態嘅?!

行去樓梯坐前一刻......

兩表姊妹幾close,皓賢又無眼睇?

嗰日唯一影得最好嘅一張合照~~~~

表妹八卦表哥本相簿,穎怡就掛得擺"鋪士"


呢三小傻幾咁可愛!!!願天下所有小朋友都開開心心,忘記悲痛~~~

再一次睇醫生(14/5)

皓賢又咳返仲有埋鼻水添......今次襯穎怡返咗學同皓賢一個去睇,果然比平時輕鬆自如好多!!!
不過病埋今次好喇,唔好再病喇,知道未呀?

皓賢嘅藥.....(止咳,化痰,收鼻水)


希望真係最後一次就好喇,你哋辛苦時,我個心就好痛!!!!努力~~~加油~~~

差啲嚇破膽(13/5)

接完穎怡放學,返到屋企,一開燈.......發現有樣嘢喺牆到走,嚇咗一跳,睇清楚係條四腳蛇,更加驚~~~~
穎怡已經第一時間逃出現場範圍,喺驚恐下,打算用聲音嚇走佢,即刻揾個膠袋係咁捽,一邊捽一邊大叫,不過嚇唔走佢,反而令皓賢係咁笑.....比佢激死~~~
好唔容易算叫做走咗.....身為媽咪嘅我,點解咁無用,乜都驚,點保護到佢哋呢............

就係呢隻嘢嚇死我咁滯呀~~~可惡!!!!!

母親節快樂(11/5)

今年母親節,同公公婆婆一家大細食飯慶祝母親節,一次過同五個媽媽慶祝(婆婆,姨太婆,大姨媽,三姨媽&媽媽),當然再由穎怡贈送一支康乃馨比每位媽媽,氹得各位偉大嘅母親幾開心呀!!

穎怡同婆婆合照,開心笑到見牙唔見眼喎!!

007穎怡?!

第一次登場嘅姨太婆.....同婆婆似唔似樣呢?!

第一次登場嘅恩姨媽.....

大姨媽嘅全家福~~

三姨媽嘅全家福~~

難得嘅全家福~~~ ^_^

三姨丈同表妹傾乜呢?同一個表情嘅.....

表妹錫公公連環圖1...錫面

表妹錫公公連環圖2...擁抱

表妹錫公公連環圖3...望鏡頭笑

穎怡拎住支花扮傳聖火~~~

皓賢寫字.....

原來亂劃嘅!!!


祝願各位母親身體健康,開開心心,越嚟越青春!!!!!!

可愛的穎怡(9/5)

穎怡嘅幼稚園開生日會,終於可以著件"小鳳仙"裙仔喇!!!著住唔講仲以為佢有份做壽星女添.....雖然唔係生日,但係都啱啱足三歲半喇~~~

由於喺屋企唔記得影,唯有放學補影返......

小鳳仙裝梗要佩個中國娃娃頭啦.....呵~~呵~~呵~~

皓賢又生病了(4/5)

皓賢有幾聲咳,於是再次睇醫生叔叔......睇完同穎怡仲食蛋糕添

因為背光,所以電腦調光,啲色唔太自然






大件事!!!走光添.....遮住先


皓賢嘅藥.......

排排坐,聽歌歌~~~(3/5)

星期六,例必飲茶........今次去到公公屋企開左一隻米奇老鼠英文歌嘅dvd睇,穎怡,皓賢&卓然每人一張櫈仔坐低睇,皓賢一邊睇一邊驚要遮住對眼仔,真係比佢笑死!!卓然就好開心咁一邊睇一邊跳舞,好可愛又招積!!穎怡比較大就識跟住唱小小啦,唱ABC時就最大聲!!

聽歌時全面睇.....











駛唔駛咁驚呀?聽歌仔咋喎......


表妹闖入咗工作區,但係穎怡點解唔比佢走嘅?!