兩個小寶貝既媽咪
我有兩個小可愛,一個叫穎怡(5/11/2004),一個叫皓賢(12/6/2006),呢個係我首個Blog.,希望日後有大家同我陪伴住我既小朋友成長,一齊分享佢地既生活點滴~~~~
2008年6月24日星期二
happy birthday to 曉霖(14/6)
我哋約咗一個同年同月同日嘅朋友仔-曉霖!!佢喺黄埔"麥當當"搞咗個兩歲生日會,多謝moon姨姨(曉霖媽咪)邀請,亦都講聲對唔住......因為我哋遲大到,要咁多位等埋我哋至開始玩,真係非常唔好意思~~~~
呢位就係主角......曉霖& moon姨姨喇(好可愛哩!!!)
由於第一次見面,穎怡同皓賢唔太投入去玩,反而兩姐弟自己玩,又成日離群,有啲失禮添~~~
兩個最鍾意走咗出去搞啲波波
壽星女同一大班小朋友玩"Bingo"時
又各自各玩喇......
大合照(當然又冇離群嗰兩個啦)
爸爸勁無奈......
除咗曉霖,Abbie都係同年同月同日出世
可愛嘅曉霖
可愛嘅Abbie
生日會尾聲時,曉霖派佢自製嘅禮物包比小朋友,好有心思又好靚......多謝!!!!
走嘅時候,係都要同"麥叔叔"影相
仲有一件烏龍事,就係我連小朋友送比曉霖嘅生日咭,當file拎埋返屋企,搞到moon姨姨以為唔見咗......
原來最最最失禮嘅人...........係我呀~~~~~~~~~