超級黑仔月-媽媽篇(28/8)

點解又有我份?!
因為我比佢哋搞到周身瘀傷囉.......
朝早,兩個爭嘢玩,爭到上張梳妝枱上,點知比佢哋爭爭吓又推推吓之下,成把小型風扇跌正落我個頭度,即時反應係彈起身,同佢哋開齋,個額頭冇流血但瘀咗......好痛~~~
之後到七點幾,穎怡瞓咗,咁我又整緊其他嘢,唔為意隻破壞王搞乜,到我知時,佢已經企咗上張櫈櫃度,將一小盒嘅針跌哂落地,又怕佢哋會拮到,咪周圍揾囉,移起咗個櫈櫃揾,揾完打算放返低,咁啱又比架BB車個車轆頂住,放唔到,我咪移前小小整架車,意外就係咁發生喇,當個轆移開時,我隻腳仲喺櫈櫃下,一跌落嚟......就咁夾住咗隻右腳,即時反應係咁抆,見到隻腳甩皮同瘀咗,嗰一刻係痛到行唔到,痛到我真係喊,嚇到隻破壞王唔敢出聲!!!過咗陣,終於行到,不過要"拐拐吓"咁行,又唔著得鞋,足足痛咗兩日.......第三日,唔掂佢唔痛喇,但瘀咗一大撻,總之冇傷骨已經好喇!!!!