朋友篇(2/8)

星期六嘅日子,按平日慣例帶穎怡&皓賢去公公屋企,但今次我亦放低佢哋,約咗又久違了嘅好朋友食晚飯,了解吓佢哋最近嘅近況(唔記得帶相機,所以冇影相).......見晏晝有時間,又帶咗穎怡去"危險樂園"玩,玩到尾至影咗幾張相咋~~~





玩完帶返穎怡上屋企,再落去等朋友,相約6:30pm見面了!!之後上咗華華屋企,佢比咗一件衫仔&兩件褲仔比穎怡,坐咗陣又落街揾嘢食,去咗"大x樂"食据扒(多謝你請我,thanks a lot~~~),過多一陣,莊兒都嚟埋,中學時嘅"三劍俠"終於人齊喇!!傾吓講吓笑,"奪命追魂call"出現,公公話細佬太曳,催我返去湊佢哋走,心不甘情不願要返去湊佢哋,希望下次好快再見面就好喇(自己都努力啲,關心吓身邊嘅朋友先)!!!

今次見面傾咗啲嘢,了解咗啲嘢,令我覺得自己比佢哋幸運&幸福~~~但願將我嘅幸福分比我所有嘅朋友,希望佢哋可以開開心心,得到屬於自己嘅幸福~~~~
PS:亞Yan,祝你生日快樂,心想事成,又靚又fit!!!!