皓賢扮小王子之一(5/4)

TVB舉辦咗一個"小小公主王子大募集"嘅活動,皓賢居然入到50名(穎怡入唔到),咁當然玩票性質見識下玩下啦!幾經辛苦揾到王子衫,但又要諗點去將軍澳嘞,因為老公要返工,所以一個人要帶兩個人仔,BB車一架,要準備佢哋兩個嘅嘢之媽咪袋一大個,皓賢袋衫仔一小袋......決定首先坐14號巴士到觀塘再轉地鐵(因怕坐93K落車蕩失路),途經apm 穎怡係都要影相,唯有聽佢話啦~~~





終於到達目的地!!太肚餓去食嘢先~~食完三姑媽就到喇(特別鳴謝三姑媽犧性佢嘅假期,嚟幫我照顧穎怡)~~跟住去左個隱蔽嘅地方同皓賢換衫先,再去報到!!






但由於安排不妥善,以為穎怡唔入得等侯區,於是姑媽帶左穎怡行開咗,搞到佢有少少嬲我添!!唉~~~~~