復課後的第一天(31/3)

本來打算穎怡終於可以返學,一切回復正常,點知......打點好一切之後,同佢量體溫,發現頭仔有啲慶,當時耳探係37.6~8,仲掙扎緊比唔比佢返好,最終驚佢辛苦就冇返,跟手煲左白粥打算比佢哋食!!
佢哋竟然瞓晏覺瞓到成6:30pm,穎怡比之前明顯燒左(38.6),問佢邊度唔舒服,佢話耳仔痛,嚇到我即刻粥都唔比佢哋食住,嗱嗱臨帶住佢哋睇醫生(因為診所收7:00pm),好彩6:55pm趕到去,醫生話穎怡似感冒,但又話耳仔痛,驚係中耳炎(耳屎多睇唔到.....),於是開左啲抗生素比佢食!!
跟手到皓賢睇隻眼皮嘅皮膚(因為一喊,兩隻眼就紅哂),醫生話可能有細菌令到佢敏感.....再話喉嚨仔都有紅腫,都有感冒徵狀,所以......

穎怡嘅藥(抗生素,退燒藥x2[分高燒&低燒食嘅],咳藥&鼻水藥)


皓賢嘅藥(眼藥水,咳藥,鼻水藥&退燒藥[以避不時之需])


各有死穴:
穎怡今次扭計唔肯食藥水,尤其黑色嘅咳藥水.....
皓賢食藥水當飲糖水,完全冇問題,但滴眼藥水就喊到七彩喇......

希望你哋快啲好返哂啦,唔好再咁辛苦自己,亦唔好令我咁心痛啦!!!