皓賢兩歲生日喇之一(12/6)

轉眼間,皓賢已經兩歲喇,由一舊"麵粉仔"變成一個極度搗蛋嘅小朋友,雖然破壞力驚人,但眼見佢不斷成長,自己亦相當安慰!!
亦由此開始用新相機影相......試吓機先~~~

穎怡食奶奶

皓賢又食奶奶

再揾穎怡做model先~~


之後同穎怡返咗學,就同皓賢搭車去黃埔"吉豬島"買禮物喇!!行左一陣,都諗唔到買乜嘢送比佢,行吓兜吓,終於揀到份比佢喇,再揀多兩份禮物送比兩個同皓賢同年同月同日出世嘅女仔先,亦都諗咗好耐至揀到呢兩份,跟住比完錢去服務部包禮物......點知去到就發現咗隻~~~~~福娃歡歡!!!
等姐姐包緊禮物時,點可以唔比皓賢同佢合照呀^_^

咦!!你咁熟口面嘅,我喺邊度見過你呀?!

你同奧運都好熟?!

等我摸真吓你先

你真係歡歡喎,你冇呃我喎!!

等我諗吓同你做乜好先.......

好啦,同我影相啦!!!


包完禮物就返屋企,放低哂啲嘢,再去湊穎怡放學喇.......