預祝皓賢兩歲生日&結婚四週年之一(9/6)

由於喺6月12日正日,爸爸多數唔得閒出街食飯慶祝,所以我哋提早慶祝結婚週&皓賢生日!!
點解一齊慶祝呢?皓賢出世係喺我哋結婚週年同一日,結果做咗一份大禮物比我哋喇......
我哋一行五人(三大兩小B)去咗尖沙咀食Buffet,初初去到穎怡話乜都唔食,淨食咗幾啖雪糕,但見爸爸食嘢時,就話要食喇,來回走咗好多轉(成餐飯計),反而皓賢就密密食,不問世事咁樣,最好笑就係,整咗小小雪糕比佢自己食,食完仲有啲朱古力粒粒,個侍應哥哥想同佢收咗隻碗,皓賢即刻伸隻手想攞返,個哥哥見到笑笑口遞比佢,睇佢係唔係真係要,跟住同哥哥攞返繼續食......

就係食呢啲粒粒喇,食到成面都係~~~




不過我諗最開心係穎怡,因為佢夾嘢比人食樂在其中!!!一直做監督,夾完啫喱糖叫人食嘢自己就唔食......







最後食到爸爸目光呆滯......笑死人喇!!!


今次亦多謝三姑媽同行,幫咗我哋唔少忙take care 穎怡,令我哋唔駛咁論盡, thanks a lot 三姑媽!!!!