穎怡新學期開學喇(13/2)
雖然初七(人日)好多舖頭都未開市,但穎怡嘅新學期開始喇~~~由於放左假差多兩個星期,怕佢唔適應,前幾晚向佢作出輔導,其實係自己攞嚟驚啫......
朝早十點幾兩隻豬仔已經自己起身玩喇,唯獨仲有隻大懶豬(我)唔肯起身,要成十一點半至肯起身開奶奶比人食,而個人懶左成兩個星期,動作&記性更加遲鈍,要行好多轉至搞掂要準備嘅嘢,最終喺十二點九出門口喇.....之後去麵包店買蛋糕仔比佢哋食,返到學校已一點二十幾分,好彩冇遲到(因為我絕對唔容許)。入到課室,同平時一樣終於放心哂,但個心依然唔捨得,最終都陪穎怡到打上課鐘至走,跟住就同皓賢返屋企瞓晏覺先再湊佢放學!!
穎怡未變身前......
變身後,不過古靈精怪嘅?
嚟多張正經啲嘅~~~
係要同皓賢影相喎!!
喺課室嘅穎怡,睇佢幾開心
開學喇!!祝你學業進步,身體健康,開開心心~~~亦都希望我可以慢慢放開,等你哋可以自己學懂獨立......
1 則留言:
好靚女丫~~
發佈留言
訂閱 發佈留言 [Atom]
<< 首頁