又出去玩喇(12/2)

拎左相機去充電,充完電後要重新set過日期&時間,發現左一個合成攝影,本著八卦嘅精神,終於比我知道呢個功能(已經買左差唔多五年,真係遲鈍)

試驗版本...


爸爸今日四點幾已放工,點知穎怡又話要去玩"波波池",當然最後都係順佢意啦。但今次穎怡&皓賢要分開玩,一個玩BB池,一個玩中童池,所以爸爸今次要出馬陪皓賢玩,佢哋竟然兩個玩哂呢個池(冇矮過90cm嘅BB),我就要跟實穎怡爬嚟爬去,好疲累!!幾經辛苦到＋五分鐘,又去左"擲彩虹",今次運氣唔好,只中左一包糖,一個擦膠&120張獎票。點知穎怡又要玩"波波池"(皓賢唔玩),玩完仲想玩第三次,當然打死都唔應承啦,又去左"擲彩虹",玩哂之後,行左去機動遊戲嗰度,終於可以影返幾張相喇!!!

一,二,三,笑~~~

嚟多次,笑~~~~~OK!!


跟住行埋"X佳"買嘢食,比完錢急及待係咁食......


兩隻污糟豬......


返到屋企已八點,即刻又係沖涼,之後食奶奶瞓覺喇!!早抖喇~~~~~