穎怡自己畫嘅作品(9/7)

之前買咗塊神奇畫板比皓賢做生日禮物,但細塊嗰塊已經爛咗,等返一塊大嘅,因此兩個就成日爭嘢玩喇!!
呢日穎怡玩(多數比佢霸住多),佢自己一路畫.畫.畫.......,突然拎住塊板走過嚟叫我睇,睇完我喺度笑,之後行開再畫過,今次加埋啲點點話佢喊喎,我仲笑住讚佢叻叻添,氹到佢幾開心呀!!穎怡終於大個女,識得畫人樣(真係好清楚有眼耳口鼻,仲有眼淚同鼻涕呀),等佢再大個啲,如果仲有興趣,我會比佢學畫畫......

呢個係穎怡第二幅嘅作品.......好搞笑呢?!



雖然畫到咁,但三歲半嘅人仔都算ok啦,唔知係唔係遺傳咗我嘅畫畫天份呢?!呵~~~~呵~~~~呵~~~~~